DAAD-ի տարածաշրջանային գրասենյակի տնօրեն Գեբհարդ Ռոյլը տեղեկատվական հանդիպում է ունենալու Հայաստանի ազգային պոլիտեխնիկական համալսարանի վարչական, դասախոսական և ուսանողական համակազմի հետ:
Հանդիպմանը կներկայացվեն DAAD-ի մագիստրոսական և դոկտորական կրթաթոշակների հնարավորություններ Գերմանիայում ուսանելու համար և ամառային լեզվի դասընթացներ (գերմաներեն)։
Ծրագրերին կարելի է մասնակցել ինչպես գերմաներենի, այնպես էլ անգլերենի իմացությամբ:
Տեղեկատվական հանդիպումը տևելու է 2 ժամ, որից 30 րոպե տրամադրվելու է ՀԱՊՀ-ի վարչական համակազմին, 1 ժամ` ուսանողներին, 30 րոպե` դասախոսական անձնակազմին:
Ծրագրի հիմնական թեմաներն են`
- կրթաթոշակների տրամադրում
- ամառային դասընթացներ
Հետաքրքրված անձանց հրավիրում ենք սույն թվականի մայիսի 11-ին ժամը 12:30-ին Հայաստանի ազգային պոլիտեխնիկական համալսարան, 3-րդ մասնաշենք, 2-րդ հարկ Ռեկտորատի նիստերի դահլիճ: