Միքայել Վարդանի Մարտիրոսյանը ծնվել է 1997 թվականի հունվարի 30-ին:
2014-2018 թվականներին սովորել է Հայաստանի պետական ճարտարագիտական համալսարանի (ներկայումս` ՀԱՊՀ) Էներգետիկական ֆակուլտետի (այժմ` Էներգետիկայի և էլեկտրատեխնիկայի ինստիտուտ) բակալավրական ուսուցման համակարգում «Ատոմային էլեկտրական կայաններ և տեղակայանքներ» մասնագիտությամբ:
2018-2020 թվականներին սովորել է մագիստրոսական ուսուցման համակարգում «Էներգետիկա» մասնագիտության «Այլընտրանքային էներգետիկա» կրթական ծրագրով:
Մագիստրոսական ուսուցման ընթացքում՝ 2-րդ կուրսում, ներգրավվելով ՀԱՊՀ «Հելիոտեխնիկա» բազային գիտահետազոտական լաբարատորիայում՝ մասնակցություն է ունեցել R2E2-ի կողմից կազմակերպված «Էներգախնայողություն և միջազգային համագործակցություն» խորագրով կոնֆերանսին:
Բակալավրի 3-րդ կուրսից սկսած մինչ օրս ունենում է ակտիվ մասնակցություն ՀԱՊՀ Միջուկային անվտանգության տարածաշրջանային ուսումնական կենտրոնում կազմակերպված սեմինարներին և գիտաժողովներին:
2017թ-ի հոկտեմբերի 14-22-ին ՌԴ «Ռոսատոմ» կազմակերպության հրավերով Սոչիում մասնակցել է «Երիտասարդության և ուսանողության 19-րդ միջազգային ֆորում»-ին, որի շրջանակներում մասնակցել է գիտաժողովներին և ներգրավված է եղել էներգետիկայի ոլորտում խմբային նորարարական աշխատանքների իրականացմանը: Բակալվրի ծրագրով ոսումնական պրակտիկան <<ՀԱՅԱՏՈՄ>> ԳՀԻ ՓԲԸ-ում անցնելուց հետո երկու տարի շարունակ պարբերաբար ներգրավված է եղել այդ ինստիտուտի գիտահետազոտական աշխատանքներում, որի արդյունքում, որպես համահեղինակ, մասնակցել է <<Угроза образования горючей смеси в малых помещениях гермообьема энергаблока АС при тяжелой аварии>> գիտական հոդվածի մշակմանը: Վերջինս տպագրվել է <<ТЕПЛОЭНЕРГЕТИКА>> ամսագրում:
2018թ․-ի նոյեմբերի 1-ից մինչև 2021թ․-ի փետվարը աշխատել է «Հայկական ատոմային էլեկտրակայան» ՓԲԸ-ում որպես տուրբինային արտադրամասի շրջապտուտային պոմպակայանի մեքենավար։
2019թ․-ին մագիստրոսական կրթական ծրագրով «Լավագույն ուսանող» համապետական մրցույթում զբաղեցրել է 2-րդ տեղը։
2019թ․-ը և 2020թ․-ի ՀԱՊՀ տարեկան գիտաժողովներին հանդես է եկել զեկույցներով, որոնք նաև տպագրվել են <<Լրաբեր>> գիտական ամսագրում։
2020թ․-ի նոյեմբերի 15-ից մինչև 2021 թվականի դեկտեմբերի 1-ը աշխատել է ՀԱՊՀ «Հելիոտեխնիկայի լաբարատորիա»՝ որպես կրտսեր գիտաշխատող։
ՈՒսման ամբողջ ընթացքում ակտիվ հասարակական գործունեություն է ծավալել ՀԱՊՀ Ուսանողական խորհրդում, որի համար 2017թ.-ին արժանացել է ՀԱՊՀ ՈւԽ հասարակական ակտիվությունը հավաստող սպիտակ դիպլոմի:
2017 թվականին ճանաչվել է ՀԱՊՀ լավագույն ուսանող (3-րդ կարգ):
Սկսած 2017 թվականից ՀԱՊՀ գիտական խորհրդի և ԷԷԻ գիտական խորհրդի անդամ է, իսկ 2018 թվականից մինչև 2020թ․-ը եղել է ՀԱՊՀ ԷԷԻ Ուսանողական խորհրդի նախագահ:
2019 թվականի դեկտեմբերի 2-6-ին Սոչիում մասնակցել է «Կամավորության միջազգային ֆորում»-ին:
2021 թվականի ապրիլ ամսից ՀԱՊՀ ուսանողական խորհրդի փոխնախագահ և ՀԱՊՀ ուսանողագիտական ընկերության պատասխանատու է եղել։
2021 թվականի հոկտեմբերի 22-ից հանդիսանում է ՀԱՊՀ Ուսանողական խորհրդի նախագահ։
Կոնտակտային տվյալներ՝ [email protected], [email protected]